Dimma

stofnuð 1992

2010

K TRÍÓ – REKAVIÐUR (DIM 44)DIM44_Rekavidur_framhlid

Píanóleikarinn Kristján Martinsson stofnaði K Tríó í ársbyrjun 2008, en ásamt honum skipa tríóið Pétur Sigurðsson bassaleikari og Magnús Trygvason Eliassen trommuleikari. K Tríó kom fram á Jazzhátíð Reykjavíkur sumarið 2008 og í september sama ár var það fulltrúi Íslands í samkeppni ungra norrænna jazztónlistarmanna í Kaupmannahöfn. Fór K Tríó með sigur af hólmi í þeirri keppni og gaf í kjölfarið út sinn fyrsta geisladisk sem hlaut afbragðs góðar viðtökur.  Rekaviður inniheldur frumsamið efni sem tríóið hljóðritaði í lok desember 2009 í Hljóðveri FÍH. Upptökur, hljóðblöndun og tónjöfnun var í höndum Birgis Jóns Birgissonar. Hrafnhildur Helgadóttir hannaði umslag.

Verð: 2.500

Sigurður Flosason/Gunnar Gunnarsson –

SÁLMAR TÍMANS (DIM 46)salmar_timans_cover_litil

Fjórði diskur tvíeykisins Sigurðar Flosasonar saxófónleikara og Gunnars Gunnarssonar organista er kominn út og nefnist Sálmar tímans.  Á diskinum er að finna 13 útsetningar Gunnars og Sigurðar á ólíkum sálmalögum, en spuni er sem fyrr miðlægur í nálgun dúósins.  Sigurður og Gunnar hafa áður sent frá sér þrjá geisladiska; Sálma lífsins(2000), Sálma jólanna (2001) og Draumalandið (2004).  Diskar þeirra hafa notið fádæma vinsælda og fengið frábæra dóma.  Sálmar tímans er nokkurskonar sjálfstætt framhald af Sálmum lífsins, en eins og þar er hér spunnið um ólíka sálma, innlenda og erlenda, gamla og nýja, vinsæla og lítt þekkta.

Verð: 2.500

Gunnar Gunnarsson – GNÓTT (DIM 47)gnott_cover_litil

Gnótt er sjötti geisladiskur Gunnars Gunnarssonar, en að auki hefur hann sent frá sér fjóra diska í samstarfi við Sigurð Flosason. Á Gnótt nýtur hann fulltingis Tómasar R. Einarssonar bassaleikara, Ómars Guðjónssonar gítarleikara og Matthíasar Hemstock slagverksleikara.
Gunnar er sem fyrr fundvís á íslensk úrvalslög sem hann færir í nýjan búning og bætir hér mörgum gullmolum við sitt ágæta lagasafn. Á Gnótt leikur hann m.a. lög eftir Atla Heimi Sveinsson, Gunnar Þórðarson, Jón Nordal, Magnús Blöndal Jóhannsson og Freymóð Jóhannsson, en að auki íslensk þjóðlög og eitt frumsamið lag.
Fyrri diskar Gunnars eru HÚM og HRÍM, en á þeim léku með honum þrír kontrabassaleikarar, þeir Tómas R. Einarsson, Jón Rafnsson og Gunnar Hrafnsson, og einleiksdiskarnir SKÁLM, STEF og DES.

Verð: 2.500

Svavar Knútur – AMMA (DIM 48)DIM48_COV_litil

Önnur sólóplata söngvaskálsins Svavars Knúts, hljóðrituð á stofutónleikum í október 2010. Á tónleikunum flutti Svavar ýmis lög sem hann hefur tekið ástfóstri við í gegnum tíðina, en plötuna tileinkar hann ömmum sínum þar sem lögin eru flest komin til ára sinna og hafa verið sungin af eldri kynslóðum. Öll lögin nema eitt eru í útsetningum söngvaskáldsins sem leikur ýmist undir á gítar eða ukulele, en í einu lagi kemur píanóleikarinn Árni Heiðar Karlsson við sögu og í öðru lagi ljá Karítur Íslands raddir sínar til að auka á blæbrigðin. Að öðru leyti er hér um hreinræktaða trúbadúrplötu að ræða og lifandi upptöku.  Meðal söngva á diskinum eru Kvöldið er fagurt, Draumalandið, Sofðu unga ástin mín, Næturljóð úr Fjörðum og nýtt lag Svavars við Álfareiðina.

Verð: 2.500


Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s