Dimma

stofnuð 1992

2015

Shirley Jackson: LÍF Á MEÐAL VILLIMANNAJACKSON_XYW        Gyrðir Elíasson íslenskaði

Bandaríski rithöfundurinn Shirley Jackson (1916-1965) varð á sínum tíma víðfræg fyrir smásöguna The Lottery en síðar sendi hún frá sér vinsælar skáldsögur sem oftar en ekki sóttu í arf hryllingsbókmennta.

Í þessari heillandi sögu kveður þó við allt annan tón. Sögusviðið er smábær í Vermont-fylki og dregin er upp mynd af kostulegu heimilislífi bandarískrar barnafjölskyldu um miðbik síðustu aldar.

Líf á meðal villimanna er sérstæð frásögn sem lætur lítið yfir sér í fyrstu. Undir lygnu yfirborði ísmeygilegrar gamansemi leynist hárfín ádeila á mannlegt samfélag.

242 bls. sveigjanleg band

Verð: 2.900,-

Ana María Shua: SMÁSKAMMTAR       Kristín Guðrún Jónsdóttir íslenskaðiSHUA_XYZ2_litil

Ana María Shua hefur skipað sér sess meðal virtustu rithöfunda Argentínu. Í þessu úrvali af örsögum hennar er leitast við að gefa sem besta mynd af þeim sagnaheimi sem hún hefur skapað. Hér eru saman komnar 100 sögur úr fimm ólíkum sagnasöfnum sem mynda þó ákveðna heild og leiða lesandann á framandi slóðir.

Shua er margverðlaunaður höfundur, bæði innanlands og utan. Árið 2014 hlaut hún Þjóðarbókmenntaverðlaun Argentínu fyrir smáprósa sína og smásögur.

Kristín Guðrún Jónsdóttir valdi sögurnar, þýddi og ritaði eftirmála.

128 bls. svl. band

Verð: 2.900,-

Jon Fosse: MORGUNN OG KVÖLDMorgunn og kvöld      Hjalti Rögnvaldsson íslenskaði

Morgunn og kvöld er fyrsta skáldsaga norska höfundarins Jons Fosse sem kemur út á íslensku. Hér er um að ræða einstaka og áhrifamikla frásögn af fæðingu barns og dauða gamals manns.

Jon Fosse (f. 1959) er einn kunnasti samtímahöfundur Norðmanna. Verk hans hafa verið þýdd og gefin út á meira en 40 tungumálum, leikverk hans sviðsett meira en þúsund sinnum og Fosse unnið til fjölda verðlauna bæði í heimalandinu og erlendis. Allt frá fyrstu bók sinni, skáldsögunni Rautt, svart árið 1983, hefur hann helgað sig ritstörfum og sent frá sér skáldsögur, ljóðabækur, barnabækur og ritgerðasöfn ─ samtals nær 40 bækur. Árið 2015 hlaut hann Bókmenntaverðlaun Norðurlandaráðs fyrir þríleik sinn Andvaka, Draumar Ólafs og Kvöldsyfja.

117 bls. sv.kápa

Verð: 2.900,-

Gyrðir Elíasson: LJÓÐAÚRVALGyrðir_Ljóðaúrval

Gyrðir Elíasson gaf út fyrstu ljóðabók sína, Svarthvít axlabönd,  árið 1983 og vakti þá þegar athygli fyrir ferskan og persónulegan stíl. Í kjölfarið fylgdu fleiri ljóðabækur, smásagnasöfn og skáldsögur, auk þýðinga á ljóðum og og sagnaskáldskap. Öllum þessum bókmenntagreinum hefur Gyrðir sinnt af alúð og ástríðu í áranna rás.

Ljóðabækurnar Gyrðir hafa lengi verið ófáanlegar og því tímabært að birta nýjum lesendum og þeim sem hafa áður kynnst þeim úrval sem spannar 30 ára tímabil.

155 bls. svl. band

Verð: 3.000,-

Aðalsteinn Ásberg Sigurðsson: NÝSNÆVI – ljóðaþýðingarNYSNAEVI_x

Nýsnævi er safn ljóða eftir 15 samtímaskáld frá 11 Evrópulöndum. Hér eru ólík skáld saman komin sem þýðandinn, Aðalsteinn Ásberg Sigurðsson, hefur valið að setja undir einn hatt. Höfundarrödd þýðanda skapar heildstætt ljóðasafn með óvæntum sveigjum og beygjum. Heimalönd skáldanna eru Danmörk, Finnland, Noregur, Litháen, Eistland, Búlgaría, Skotland, Malta, Pólland, Slóvenía og Lettland.

Tilnefnd til Íslensku þýðingaverðlaunanna 2015!

219 bls. svl. band

Verð: 3.000,-

Sigurður Skúlason: HEIM AFTURheim aftur

Hér er á ferðinni einlægt og persónulegt verk sem myndar einskonar lokakafla í ljóðakvartett höfundarins. Bókin skiptist í 3 kafla sem bera heitin úr vör, í djúpinu og upp haf.  

Sigurður Skúlason hefur fengist við leiklist og skyld störf um langt árabil, fyrst og fremst sem leikari við Þjóðleikhúsið, en einnig hjá Leikfélagi Reykjavíkur og ýmsum sjálfstæðum leikhópum. Einnig hefur hann leikið í útvarpi, sjónvarpi og kvikmyndum.  Áður hafa komið út eftir Sigurð ljóðabækurnar margbrotinn augasteinn  (1981), ævinlega hér 1996) og á leiðinni (2004).

57 bls. svl. band

Verð: 2.000,-