MÓR – Agnar Már Magnússon

Agnar Már hefur sent frá sér nýjan geisladisk sem telst vera sjöunda sólóplatan hans. Mór er á þjóðlegum nótum, en aðeins tvö laganna eru frumsamin af Agnari Má, hin eru íslensk þjóðlög í nýjum útsetningum hans. Auk Agnars sem leikur á píanó, leika þeir Valdimar Kolbeinn Sigurjónsson á kontrabassa og Matthías Hemstock á trommur. Þeim til fulltingis er síðan blásarasveit, skipuð Stefáni Þór Bernharðssyni á horn, Frank Hammarin á horn, Asbjørn Ibsen Bruun á horn og Nimrod Ron á túbu.

FAÐMLÖG – Kristjana Stefáns & Svavar Knútur

Kristjana Stefáns og Svavar Knútur hafa haldið tónleika saman um langt árabil og stöðugt bætast ný lög við dagskránna. Faðmlög er önnur dúettaplata þessa skemmtilega tvíeykis, en sú fyrri sem heitir Glæður, kom út árið 2011. Faðmlög var hljóðrituð á tónleikum í febrúar 2020. Þarna er að finna íslensk og erlend lög í bland, bæði frumsamin og fengin úr smiðju annarra tónlistarmanna. Faðmlög kemur bæði út á geisladiski og vínyl. Þess má geta að Glæður eru líka til á vínyl í takmörkuðu upplagi.

ÓTRYGG ER ÖGURSTUNDIN – Guðmundur Andri

Guð­mundur Andri Thors­son sendir frá sér geisla­diskinn Ótrygg er ögurstundin þar sem hann syngur eigin ljóð við frum­samin lög. Í viðtali í Fréttablaðinu segir sögnvaskáldið meðal annars: „Lögin eru öll hæg, trega­full og angur­vær en það er ekki endi­lega vegna þess að ég sé svona trega­fullur heldur allt eins vegna hins, að ég spila svo hægt á gítar.“

Umbra – SÓLHVÖRF – vínylútgáfa

Verðlaunaplatan SÓLHVÖRF með Umbru er komin út á hágæðavínyl í takmörkuðu upplagi.

Sólhvörf er einstök jólaplata sem hlaut Íslensku tónlistarverð-

launin í flokki þjóðlagatónlistar 2019, en þau voru afhent í mars sl.

Hlið A:

1. Hátíð fer að höndum ein 2. Jól 3. Coventry Carol 4. Personent hodie 5. Green Groweth the Holly 6. Með gleðiraust og helgum hljóm

Hlið B:

1. God Rest You, Merry Gentlemen 2. Wexford Carol 3. Immanúel oss í nátt 4. Als I Lay on Yoolis Night 5. Það aldin út er sprungið

 

 

UMBRA – LLIBRE VERMELL / Maríusöngvar frá miðöldum

Llibre Vermell er þriðja platan sem Umbra sendir frá sér, en hljómsveitin hefur hlotið mikið lof fyrir flutning sinn og hljóðritanir undanfarin misseri, m.a. Íslensku tónlistar-verðlaunin 2018 í flokki þjóðlagatónlistar fyrir plötuna Sólhvörf.

Á nýju plötunni sem ber undirtitilinn Maríusöngvar frá miðöldum er tónlist úr hinu kunna 14. aldar-handriti Llibre Vermell (Rauða bókin) sem bjargaðist á sínum tíma úr Montserrat klaustrinu í Katalóníu, en einnig efni úr norrænum miðaldahandritum fléttað saman við svo að úr verður forvitnileg og heillandi blanda.

Umbru skipa Alexandra Kjeld, kontrabassi og söngur, Arngerður María Árnadóttir, keltnesk harpa, orgel og söngur, Guðbjörg Hlín Guðmundsdóttir, fiðla og söngur, og Lilja Dögg Gunnarsdóttir, söngur og flauta.

Á Llibre Vermell leika að auki Marina Albero frá Katalóníu á psalterium, Eggert Pálsson á slagverk, Kristófer Rodriguez Svönuson á slagverk og Þórdís Gerður Jónsdóttir á selló. Ennfremur sönghópurinn Cantores Islandiae.

Llibre Vermell var hljóðrituð í Laugarneskirkju í júní og september 2019. Upptökur, eftirvinnslu, hljóðblöndun og hljómjöfnun annaðist Ragnheiður Jónsdóttir tónmeistari.

Myndefni, hönnun og umbrot: Ingibjörg Birgisdóttir. Íslensk þýðing á söngtextum: Atli Freyr Steinþórsson. Enskar þýðingar: Jonas Moody.

Barbro Lindgren & Anna Höglund: SJÁÐU HAMLET

Þekktasta leikverk Shakespeares er hér sett fram á einstakan og eftirminnilegan hátt í formi bendibókar sem hentar bæði stórum og smáum lesendum. Bókin hlaut afbragðs viðtökur í Svíþjóð, en höfundarnir eru þekktir fyrir óvenjulegar og áhugaverðar bækur. „Lítið meistaraverk!“ var sagt í fleiri en einum ritdómi.

Aðalsteinn Ásberg Sigurðsson íslenskaði

Camilla Hübbe & Rasmus Meisler: NORÐUR

Norræn goðafræði og gleymdar kynjaverur vakna til lífsins, þegar Norður sem er 14 ára leggur af stað í leit að horfinni móður sinni. Á leiðinni hittir hún skapanornirnar þrjár og íkornastrákinn Ratatosk sem vísar henni veginn til Niflheims. Þar í iðrum Jarðar er drekinn Níðhöggur í þann veginn að ráðast að rótum lífstrésins Yggdrasils. Smám saman uppgötvar Norður að Jörðin er við það að farast, og að hún ein getur komið til bjargar.

Á spennandi hátt er hinum gamla ævintýraheimi komið á framfæri en jafnframt lögð áhersla á líðandi stund og þá baráttu sem menn þurfa að heyja til að tryggja mannkyninu örugga framtíð.

Dönsku höfundarnir Camilla Hübbe og Ramus Meisler eru hér á heimavelli svo NORÐUR er í senn sannfærandi og kraftmikil.

Hallur Þór Halldórsson íslenskaði