Dimma

stofnuð 1992


Skrifa athugasemd

Barbro Lindgren & Anna Höglund: SJÁÐU HAMLET

Þekktasta leikverk Shakespeares er hér sett fram á einstakan og eftirminnilegan hátt í formi bendibókar sem hentar bæði stórum og smáum lesendum. Bókin hlaut afbragðs viðtökur í Svíþjóð, en höfundarnir eru þekktir fyrir óvenjulegar og áhugaverðar bækur. „Lítið meistaraverk!“ var sagt í fleiri en einum ritdómi.

Aðalsteinn Ásberg Sigurðsson íslenskaði


Skrifa athugasemd

TRÉÐ eftir Bárð Oskarsson

Hilbert og Boddi eru vinir. En Hilbert er svolítið furðulegur og Boddi veit ekki alveg hvort hann á að trúa öllu sem Hilbert segir. Færeyski höfundurinn Bárður Oskarsson hlaut barna- og unglingabókaverðlaun Norðurlandaráðs árið 2018 fyrir þessa skemmtilegu bók.

Aðalsteinn Ásberg Sigurðsson íslenskaði


Skrifa athugasemd

Camilla Hübbe & Rasmus Meisler: NORÐUR

Norræn goðafræði og gleymdar kynjaverur vakna til lífsins, þegar Norður sem er 14 ára leggur af stað í leit að horfinni móður sinni. Á leiðinni hittir hún skapanornirnar þrjár og íkornastrákinn Ratatosk sem vísar henni veginn til Niflheims. Þar í iðrum Jarðar er drekinn Níðhöggur í þann veginn að ráðast að rótum lífstrésins Yggdrasils. Smám saman uppgötvar Norður að Jörðin er við það að farast, og að hún ein getur komið til bjargar.

Á spennandi hátt er hinum gamla ævintýraheimi komið á framfæri en jafnframt lögð áhersla á líðandi stund og þá baráttu sem menn þurfa að heyja til að tryggja mannkyninu örugga framtíð.

Dönsku höfundarnir Camilla Hübbe og Ramus Meisler eru hér á heimavelli svo NORÐUR er í senn sannfærandi og kraftmikil.

Hallur Þór Halldórsson íslenskaði


Skrifa athugasemd

Rummungur 3 eftir Otfried Preußler

Rummungur ræningi er enn á ferðinni! Kasper, Jobbi, amma og Fimbulfúsi lögregluvarðstjóri eru í uppnámi, þótt þrjóturinn vilji allra helst hætta störfum. En á einhverju verða nú ræningjar samt að lifa …

Þriðja og síðasta bókin um Rummung ræningja sem hefur verið eftirlæti ótal lesenda í áratugi.

Aðalsteinn Ásberg Sigurðsson íslenskaði.

 


Skrifa athugasemd

Steinunn Ásmundsdóttir: Í senn dropi og haf – ljóð

Fyrsta ljóðabók Steinunnar Ásmundsdóttur kom út 1989 og fljótlega fylgdu tvær ljóðabækur í kjölfarið. Liðu svo tveir áratugir uns hún sendi frá sér nýtt efni; hugverkavefinn yrkir.is 2016, ljóðabækur 2017 og 2018 og það ár einnig skáldævisögu. Hér birtist sjötta ljóðabók Steinunnar og hefur að geyma 40 ljóð um konur og náttúru á umbrotatímum.


Skrifa athugasemd

Íslensk lestrarbók eftir Magnús Sigurðsson

Í þessu fjölskrúðuga textasafni kemur höfundurinn Magnús Sigurðsson lesandanum sífellt á óvart. Átakalítið hversdagslíf, örsögur með óljósan boðskap, vísanir sem fara um víðan völl bókmennta og lista, óvenjuleg dagbókarbrot kanadískrar myndlistarkonu, íslenskt mál og ljóðrænar smámyndir af veröld sem var. Allt rúmast þetta innan sömu spjalda. Að auki er svo kostulegur kafli þar sem fótboltaíþróttin fær að njóta sín með alveg nýjum hætti.

Íslensk lestrarbók kallast á við Tregahandbókina, sem hlaut lofsamlega dóma og var meðal annars sögð „ein allra skemmtilegasta og áhugaverðasta“ bók ársins 2018, „afar öflugur seiður“ sem ætti erindi við hugsun okkar.


Skrifa athugasemd

Skuggaskip eftir Gyrði Elíasson

Gyrðir Elíasson bæti hér enn við sagnaheim sinn, nýjum og sumpart margslungnari þráðum en áður. Bernskuminningar, brothætt hjónalíf, innlit í fjarlæga framtíð, dularfullur skógur og handrit sem glatast, svo eitthvað sé nefnt – allt eru þetta viðfangsefni sem vert er að kynnast nánar í meðförum höfundarins. Skuggaskip er tíunda smásagnasafn Gyrðis, sem margir telja meistara íslenskra smásagna í seinni tíð, enda gætir áhrifa frá verkum hans víða.